Civadoun(-di-fueio-distico)
Trisetum distichophyllum
Poaceae Graminaceae
Noms en français : Avoine distique, Trisète à feuilles distiques.
Descripcioun :Aquéu civadoun trachis au mitan dis esboudèu d'auto mountagno ounte ié fai de coulounìo bonodi soun rizoumo. Lis enflourejado soun courteto e proun laco à la flourido. Caupon d'espigueto de 2 à 4 flour jaunasso. Se recounèis peréu à si fueio di ramo esterlo en pousicioun distico. Coumpara emé lou margaioun-di-fueio-distico que trachis dins li mémi relarg e fai de ramo tambèn distico.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 6 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Trisetum
Famiho : Poaceae
Famiho classico : Graminaceae
Ordre : Poales
Coulour de la flour :
Jauno
Petalo : ges
Ø (o loungour) enflourejado : 3 à 6 cm
Flourido :
Estiéu
Sòu : Ca
Autour basso e auto : 1700 à 3000 m
Aparado : Noun
Juilet à avoust
Liò : Esboudèu
- Roucaio
- Tepiero de bancau
Estànci : Subaupen à Aupen
Couroulougi : Ouroufilo-Sud-Éuropo
Ref. sc. : Trisetum distichophyllum (Vill.) P.Beauv. ex Roem. & Schult., 1817
Reboulo(-bourealo)
Galium boreale
Rubiaceae
Nom en français : Gaillet boréal.
Descripcioun :La reboulo-bourealo trachis en coulounìo (que fai de fiéu -estouloun-) dins li prado umido de mountagno. Coume es un pau mai grando que lis àutri planto, se vèi pulèu eisa. Li flour, óudouranto, fan un brout pulèu sarra. Fai peréu proun de ramo courteto sus uno cambo bèn drecho. Se recounèis à si fueio verticillado pèr 4, en long e en lanço, e subretout emé si tres costo.
Usanço :Es uno planto diuretico (fai pissa). Emé li racino se fai uno tenchuro roujo.
Port : Erbo
Taio : 20 à 50 cm
Fueio : Verticilado
Tipe bioulougico : Emicriptoufite
Cicle bioulougico : Planto renadivo
Gènre : Galium
Famiho : Rubiaceae
Ordre : Gentianales
Coulour de la flour :
Blanco
Petalo : 4
Ø (o loungour) enflourejado : 0,5 cm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Mai à avoust
Liò : Prado umido
- Palun
- Ribiero
Estànci : Subremediterran à Subaupen
Couroulougi : Bourealo
Ref. sc. : Galium boreale L., 1753
